القتل بقى موضه !!!!

    شاطر
    avatar
    فارس الرومانسيه
    عضو جديد
    عضو جديد

    عدد المساهمات : 13
    تاريخ التسجيل : 26/06/2010
    العمر : 27
    الموقع : http://a7laas7ab.a7larab.net

    القتل بقى موضه !!!!

    مُساهمة من طرف فارس الرومانسيه في الإثنين يناير 10, 2011 1:47 pm

    ابوك خنقك فى عشتك .. امك مطلعه عنيك .. اخلص منهم واقتلهم , والقتل اليومين دول بقى اسهل من شكة الدبوس يعنى سواق صحىالصبح مخنوق من واحد صاحبه يفرغ رشاش فى كل اصحابه عشان محدش يعاتبه ويقول له انت قتلت صاحبك ليه !!! وده شاب راجع من ليبيا ملقاش الفلوس اللى كان بيحوشها مع ابوه راح قتله وهو فى الجامع بيصلى , وبنت تتفق مع جوزها على قتل ابوها الراجل ياخد السكينه فى ضهره ويجرى وراهم وهو بيفرفر !!! وكلها كام يوم ويبقى موضوع القتل ده عاده يوميه لازم نعملها .. يعنى انت وصحابك فاضيين هاااا يا رجاله هنعمل ايه النهارده .. ما تيجى نلعب طاوله على اللى يقتل التانى .. قشطه ابقى هات اخوك احمد معاك نفسى اقتله .. ياعم اخويا فى القسم من امبارح اصله قتل ام احمد جارتنا وولع فى شقتهم عشان بصت لامى كده بصه مش حلوه وهى بتقولها صباح الخير .. وكلها كام سنه .. والواد ينزل من بطن امه مجرم يخرج الدكتور من غرفة العمليات فى رقبته المشرط ويقول لابوه : مبروك جالك سفاح ويقع ميت , والواد ياخدوه من بطن امه على السجن عدل , ويارب العلم يوصل لسونار يكشف مدى اجرام الطفل وبدل ما الاب يروح يطمن واد ولا بنت يقعد عند الدكتور يتفرج على فيلم " ابراهيم الابيض " !!! وعجبى

      الوقت/التاريخ الآن هو السبت يوليو 21, 2018 5:58 am